HOCC Good Show！！何韻詩：「我真係好幸福，係囉，我咁幸褔都唔做呢啲野，咁邊個做呢？」
係囉，有態度、有熱誠、又免費、又有音樂聽，咁都唔支持，咁支持邊個呢？
～若我幾蚊已夠，包養自己；又那用去吞聲，死忍到尾～
Author Archive
June 18, 2016
0
Yen and Keith’s Wedding
By lokyin in My Child, My Life
恭喜曼佳美舊同事 Yen 與 Keith 的結婚大日子，收到邀請的時候的確嚇了兩跳。第一跳：基本上我一直都唔知道⋯⋯原來 Yen 公主係有拖拍既，仲莫講話要結婚。XDDDDD 第二跳：新郎哥竟然都係曼佳美舊同事﹣ Keith！！雖然同 Keith 唔熟，但總算郎才女貎，要幸福噢！！
生左小 Greer 咁耐，都仲未有機會帶呢粒天才種子去見下昔日既天才小隊。今日飛雲終於黎啦！爸爸單拖帶小 Greer 霸頭位見證一對新人結合之餘，順道跟各天才隊員見面。
好想咁做，係因為曼佳美的確係爸爸返過其中一份最開心既工。
June 12, 2016
0
Fans 互動日
By lokyin in My Child, My Life
大清早到循道衛理跟司琴姐姐 Miss Kitty 會面，後知後覺地發現原來想聽姐姐彈琴，是需要再提早半個小時起床。:-P
午後顧老闆帶同比比跟小 Greer 及冠軍狗認識兼共進晚餐。晚餐有洋媽無水海鮮鍋配老闆自攜白酒，Perfect Match！啱食啱飲又啱傾。
學老闆話齋：「呢啲朋友邊殊搵丫～」
June 5, 2016
0
我這晚熱辣辣
By lokyin in My Child, My Life
小 Greer 針後發熱，我見猶憐，一歲針的威力果然名不虛傳。好彩 101 媽媽洞悉先機，預先放假貼身照顧小 Greer 。
於網上搜尋針後反應以便照顧時，不慎看到很多對西醫疫苗存有懷疑的資訊。於資訊發達的世界，吸收越多越易令人迷失，看過「邪惡一歲針」、「素人父母不打針不吃西藥」、「Vaxxed」等多遍文章及記錄片。看罷確實讓人寢食難安。當然有負面資訊就會有正面資訊，但公說公有理、婆說婆有理，就算看上一百篇、一千篇都不會有結論。就且看於消化分析後傾向那一方。
那預防疫苗還打不打？沒有任何一種疫苗是完全沒有風險的，但要是這種風險比感染病毒帶來的危險來得小的話⋯⋯打！
June 4, 2016
0
鄭師姐飯局
By lokyin in My Child, My Life
小 Greer 發緊燒都話：「Mr Ho Chi Ming City 聽就聽得多，幾時有機會同你地一齊去旅行呀？？」
June 1, 2016
0
Captain America: Civil War
By lokyin in My Share
雖然片名喚作 Captain America ，但由於角色眾多，總會讓人當作是 Avengers 系列看待。不要緊，反正都是同一個世界觀。今集故事比過往所有 Marvel 電影都來得複雜，要交代的人物及情節相當多，但導演處理得相當得宜。沒有 Avengers 2 看得人一頭霧水的感覺，反駁位雖有，但不多，亦不會惹人反感。而每一個角色均有其個性及發揮機會，可想而知難度有多大。
隊長吸睛是必然的，但作為 Marvel 電影最受歡迎角色之一的 Ironman ，其角色性格經多部電影扭曲後，加上年紀日長，明顯漸露疲態。幸好新加入的青年蜘蛛俠，其未被污染的赤子之心，給電影帶來前所未有的活力。彌補了開始老氣橫秋的舊角色。
作為一套不用帶太多腦袋的娛樂大片，導演算是交出了亮麗的功課。實在沒甚麼好投訴了。唯獨一樣⋯⋯
為甚麼不把 War Machine 乾脆壯烈犧牲掉？！一來劇情更悲壯，二來自從 Ironman 2 起，我實在受夠了 Don Cheadle 那苦瓜臉，選角存在嚴重錯誤！！實在不想在往後的續集中再看到他啦。XDDDDDD
June 1, 2016
0
Happy Birthday to My Wife
By lokyin in My Life
媽媽生日，做盡一切平日帶著小 Greer 不能做的，例如睇戲、按摩、鐵板燒。哈哈⋯⋯點解每次媽媽生日都好似係我生日咁，係我試新野、我食好野咁既？鬼叫唔係識食男咩，為免強人所難，妳發板我埋單，Perfect Match！
♥ Happy Birthday to My Wife ♥
May 28, 2016
0
Baby Greer 1st Birthday
By lokyin in My Child, My Life
小 Greer 一歲生日啦！爸爸媽媽攪盡腦汁，只希望妳能有個愉快生晨。早上有 Sa V 麥麥送麵包機兼與小 Greer 一起品嘗 Saturday Brunch。下午再到黄金海岸。其實早前想過到迪士尼、愉景灣或長洲……最後選了黄金海岸。因為該處有兒童遊樂室、泳池、沙灘，正好酒店餐廳還在推行生日優惠中。惠顧滿一定金額可獲贈生日蛋糕乙個。
可惜入住當天天氣不穩，不時下著大雨。就算換好水著套裝亦無用武之地，不要緊，今天我們可先到兒童遊樂室、晚飯及砌蛋糕。寄望明天放晴。雖然於生日蛋糕的事宜上遇到小小意外，但幸好餐廳經理的幫忙，最後竟由意外變成喜出望外。
翌日，天公果然做美。天氣好得不得之了！吃罷早餐，小 Greer 終於可以玩水水了！捉水柱、瀡滑梯，小 Greer 玩得樂而忘返。看到小 Greer 興奮的表情，原來會打從心底高興起來。當刻我就知道，我的下半生注定是為妳而生。
午後退房，以為慶生活動到此為止嗎？還沒呢，還有夜訪桃姨、小 Megan ，加上桃姨沒有事先張揚的親子生日餅，超驚喜！吃出滿滿心意。
愛滿滿的生晨，Happy 1st Birthday My Greer, Love You :)
May 22, 2016
0
Baby Greer Pre-Birthday Party（Uncle Y and Friends）
By lokyin in My Child, My Life
多謝 Uncle Y 夫婦、Udy 姐姐、Kathy 姐姐同 Biru 咁愛錫小 Greer ， Biru 後知後覺發現小 Greer 原來識得行既時候，明顯招架困難。哈哈！好彩 Biru 哥哥好脾氣，先可以同小 Greer friend 過打 band 。因為我作為爸爸都覺得阿女煩，邊有小朋友成日想捉住狗仔條脷架？！…… -_-”
今次又食又拎，將 Uncle Y 精心安排既生日佈置帶埋返屋企，延續歡樂氣氛。:)